Jubilatu elkartea sortzeko lehen urratsen aurkezpena egingo dute igandean
Igandean izango da, Zeraingo elizan, 12:00etan. Herritarrak deitu dituzte aurkezpenean eta ondorengo ekintzetan parte hartzera.
Zerainen jubilatuen elkartea sortzeko lehen urratsak eman dituzte. Etzi, igandea, sorreraren inguruko azalpenak eman eta elkartea aurkeztuko dute Zeraingo elizan, 12:00etan. Antolar jubilatuen elkarteak herriko jubilatuei dei egin die aurkezpenean eta ondoren egingo dituen ekintzetan eta antolakuntzetan parte hartzeko.
Egungo egoera dela eta, jende bilkura ahalik eta gutxien luzatzeko, batzarrerako ordua errespetatzea eskatu du elkarteak.
