Ilargi kantariaren kontzertua hilaren 24ra atzeratu dute
Musikale egitarauaren barruan, gaur zen kontzertua egitekoa Ormaiztegin, baina astebetez atzeratu dute emanaldia.
V. Musikale jaialdiaren barne, Ilargi kantaria kontzertua ematekoa zen gaur, Ormaiztegin. Halabeharrez, ordea, emanaldi hori atzeratu egin behar izan dute, eta gaur zortzi izango da, ordu eta leku berean. Kontzerturako sarrera erreserbatuta zutenei, kontrakorik esan ezean, mantendu egingo zaie hurrengo asterako.
Ekain Kulturalaren barruan, emanaldi gehiago ere izango dira Ormaiztegin, datozen egunetan. Bihar, bertsolari gazteen saioa izango dute, plazako karpan, 19:00etatik 21:00etara. Saio horretarako ere, izena aurrez eman behar da, udaleko kultura sailera idatzita edo deituta, aforoa mugatua baita.
