LegoReggae jaialdiak badu kartela
Uztailaren 2an eta 3an ospatuko da LegoReggae jaialdia. Emeterians, Mo'Kalamity, Skabidean eta Revolutionary Brothers ariko dira, besteak beste.
Duela aste batzuk iragarri zuten. Urtebeteko etenaren ondoren, aurten egingo dute LegoReggae jaialdia. Uztailaren 2an eta 3an izango da, eta dagoeneko badute jaialdiko kartela eta joko duten taldeen zerrenda. Reggae, dub, ska eta antzeko estiloetan mugitzen diren izen ezagun ugari elkartuko ditu Legorretako jaialdiak aurten.
Uztailaren 2an, Emeterians Dub Master eta Skabidean. Hilaren 3an, berriz, Mo’Kalamity & The Wizards eta Trikoma Banda. Bi egunetan, Revolutionary Brothers bikotea ariko da, kontzertuen ondorengo giroa berotzen.
Kontzertuak 19.00etan hasiko dira, eta sarrerak dagoeneko erosi daitezke, 12 euroan, LegoReggae jaialdiaren webgunean sartuta.
