Tor magoaren ikuskizuna gaur Lazkaon
Udako kultur egitarauaren barruan, Tor magoak haurrentzako ikuskizuna egingo du gaur, skate parkean.
Maiatzetik uztailera bitarteko udalaren kultura-agenda aste honetan agortuko da. Tor magoaren emanaldia izango da azken aurreko ikuskizuna, gaur, 19:00etan, skate parkean. Haurrentzat eskainiko du magia saioa. Sarrera doan da, baina lazkao.eus webgunean erreserbatu behar da tokia. Egitarauko azken ekitaldia Gozategiren kontzertu akustikoa izango da, ostiralean.
