Ezkurdia-Imaz eta Etxeberria-Albisu aurrez aurre ariko dira gaur Idiazabalen
Master Caixabank txapelketako partida jokatuko dute. Aurretik, Zabaleta eta Oier Etxeberria Zubizarreta III.aren eta Elizegiren kontra ariko dira.
Pilota jaialdia izango da gaur Idiazabalen, Igarondo pilotalekuan. Bi partida jokatuko dira. Batetik, Master Caixabank pilota txapelketaren barruan, Ezkurdiak eta Imazek Peio Etxeberriaren eta Albisuren aurka jokatuko dute. Eta bestetik, Zabaleta eta Oier Etxeberria Zubizarreta III.aren eta Elizegiren kontra lehiatuko dira. 22:00etan hasiko da pilota jaialdia.
Idiazabalgo Udalak bi sarrera bikoitz zozkatu zituen joan den astean izena eman zutenen artean, eta sarituak Aitzol Mendizabal eta Eñaut Alustiza izan ziren. Sarrerarik ez eta joan nahi duenak, www.entradasfronton.com webgunean erosi ditzake. Euskal Telebistaren lehenengo katean ere emango dituzte partidak 22:0etatik aurrera.
