Legazpi Musika Bandaren kontzerturako sarrerak banatzen hasi dira
Igandean joko dute musikariek Agirre-etxeberri parkean. Sarrera dohainik da, baina Kultur Etxean jaso behar da gaur eta ostirala bitartean
Uztakale programaren barruan ere kontzertua egin zuen bandak Agirre-etxeberri parkean Legazpi Musika Bandak igandean egin behar duen kontzerturako sarrerak banatzen hasiko dira gaur kultur etxean. Bandak Agirre-Etxeberrin joko du, 12:30ean hasita, baina gune horretako edukiera mugatua denez, sarrera-gonbidapena beharko da. Kultur Etxeko harreran banatuko dituzte, gaur hasi eta ostiralera arte. Telefonoz 943 73 72 02 zenbakira deituta ere erreserbatu daitezke. Kontzertu eremuko ateak 12:00etan irekiko dituzte, jende pilaketak ekiditeko. Eguraldi txarrarekin, kontzertua Urbeltz Pilotalekuan egingo dute.
Ohi bezala, Jesus Castillejok zuzenduko du bandaren emanaldia, eta honakoa izango da egitaraua:
Donosti Zarra…………..I. Gaztelumendi
Euskal PasodobleaMoment for Morricone……J. de Mey
Pelikulako DoinuakCon el alma…………V. Cartagena
Kontzertuko pasodobleaSir Duke……………….Arr. N. Iwai
Stevie Wonderek Doinua5.- Mars der Medici………….J. Wichers
MarchChicken run……J.Powell – H. Gregson
Pelikulako doinua
