Antzizar kiroldegiak ohiko martxa berreskuratuko du bihar
Ez da aurretiazko hitzordurik beharko eta dutxa guztiak erabilgarri egongo dira
Antzizar kiroldegia pandemia aurreko funtzionamendura itzuliko da bihar: ez du edukiera mugarik izango. Hortaz, ez da txanda erreserbatu beharrik izango. Halaber, dutxa eta aldagela guztiak erabilgarri egongo dira.
Segurtasun distantziak errespetatzea, garbitasuna zorroztea eta maskara erabiltzea eskatu dute arduradunek. Oraindik ere toki itxietan maskararen erabilera derrigorrezkoa da, taldeko kiroletan izan ezik.
