Ustez ETArena izan daitekeen zulo bat aurkitu dute Ataunen
Aitzarte aldean atzeman duten zuloan armak eta matrikula plakak aurkitu dituzte. Lehen datuen arabera, zuloa zaharra litzateke, duela hainbat hamarkadatakoa.
Argazkia: EiTB Media 
EiTBk duela minutu gutxi zabaldu duen albistearen arabera, Ertzaintzak ETArena izan daitekeen zulo bat aurkitu du Ataunen. Mendialdean dago zuloa, Aitzarte aldean, eta lehen ikerketen arabera, oso zaharra litzateke, duela hainbat hamarkadatakoa. Bertan, armak, munizioa eta hainbat matrikula plaka aurkitu dituzte.
Ertzaintza lekua ikertzen ari da, zaintza, erreskate, lehergailu eta arlo zientifikoko unitateekin. Iturri horien arabera, Ertzaintzaren inteligentzia taldea ere bertan legoke.
