Euritan, baina Gazte Festak aurrera Legorretan
Ostiralean hasiera eman ostean, Gazte Festak ospatzen jarraitzen dute legorretako gazteek
Legorretako Gazte Festetako herri bazkaria // Yara Mujika
Egitarau oparoa antolatu dute Legorretako gazteek aurtengo Gazte Festetarako. Ostiralean hasi, eta gaur emango diete amaiera handitasunez. Gaurko eguna 13:00etan hasi dute Gaztetxearen alde ateratako argazkiarekin, eta jarraian herri bazkaria egin dute karpan.
Eguraldia lagun izan ez duten arren, bistan da jendeak festa gogoa ez duela alde batera utzi, izan ere asko izan dira arratsaldean Distopia elektrotxarangara hurbildu direnak. Hasiera batean asmoa kaleetan zehar ibiltzea zen arren, euria dela eta Amasa-Villabonako talde honek Legorretako frontoian girotuko du jaia gaurkoan.
Aurtengo festei amaiera emateko, 23:30etik aurrera Bordan Bizio, Kohatu eta Onlifly taldeen kontzertua egongo da karpan.
