Azaroan musika nagusi Legazpin
Larunbatean hasi eta hilaren amaierara arte, asteburuko bi ekitaldi izango dira. Santa Zeziliako emanaldia kalean egingo dute. Gainerako emanaldiak Latxartegin izango dira
Azaroaren 22a Santa Zezilia edo musikarien eguna denez, Legazpiko Udalak urteak daramatza hilabete honetako kultur agenda musikarekin lotutako ekitaldiekin indartzen. Azaroan Musika izenpean bildu ditu aurten ere aitzaki horrekin antolatutako emanaldiak, eta programazio berezi hori Iñigo Imaz kultura zinegotziak aurkeztu du Latxartegi Aretoan.
Aurtengo Azaroan Musika bihar hasiko da, eta hilaren amaierara arte luzatuko da, asteburuko estilo desberdineko bi musika hitzordu proposatuz. Kontzertuak izango dira berriz ardatz nagusia, baina izango dira bestelako ekitaldiak ere, zinema eta dantza horien artean.
Santa Zeziliako emanaldia
Iñigo Imaz zinegotzia, egitaraua aurkezten. // Tere Madinabeitia
Azaroan Musika 2000. urtean abiatu zela gogoratu zuen Imazek, Santa Zezilia egunaren inguruan herriko bandak, abesbatzak, errondailak eta txistulariek egiten zuten kontzertua beste musika emanaldi batzuekin osatzen hasi zenean udaleko kultura saila. Gerora, musika zikloa indarra hartzen joan da, gaur egun duen garrantzia lortu arte.
Santa Zeziliako emanaldia izango da aurtengo ekitaldi nagusia. Desberdina izango da, hala ere, lau taldeek parrokian kontzertu bateratua eman beharrean, kalean ospatuko dutelako egun hori. Kalejirak egingo dituzte, eta plazan eta Azokan elkartuko dira gero. Gainerako ekitaldiak Latxartegin izango dira.
Azaroan musika
KONTZERTUAK
· Neomak. Azaroak 6, larunbata, 19:00etan, Latxartegi aretoan.
· Txomin & Txistuman Deskontzertuan. 7, igandea, 12:30ean. Latxartegi aretoan.
· Altsasuko Trasteando eta Legazpiko Alaitasuna errondailak. 13, larunbata, 19:00etan Latxartegi aretoan.
· Bixente Martinez: ‘Txoria buruan eta ibili munduan’. 14, igandea, 12:30ean Latxartegi aretoan.
· Santa Zezilia emanaldia: Santikutz Abesbatza, Goiz Deia Txistulari Taldea, Alaitasuna Errondaila eta Legazpi Musika Banda. 20, larunbata, 18:00etatik aurrera erdigunean.
· Iñaki Dieguez Akustik Trio. 21, igandea. 12:30ean Latxartegin.
· The Romanticos eta Iker Piris. 26 ostirala, 19:00etan Latxartegin.
· Bidaide. 27, larunbata, 19:00etan Latxartegi aretoan.
· Gospela: Ispirit. 28, igandea, 12:30ean Latxartegi aretoan.ZINEMA
· ‘Tocando el viento’. 5, ostirala, Latxartegi aretoan. Zine klub saioa Legazpi Musika Bandarekin elkarlanean.DANTZA
· Kapela dantza. 6, larunbata, 12:30etik aurrera, Euskal Herria plazan eta kaleetan zehar. Sustraiak dantza taldeak eta herritarrak, txistulariak eta trikitilariak.OPERA DVD-AN
· ‘La flauta magica’ (Mozart). Lehen zatia 17an, 18:30ean, eta bigarren zatia Kultur Etxeko areto nagusian.
