Emari handiko poeta itzali da
Arcadio Pardo asteburuan hil zen, Parisen
Arcadio Pardo Rodriguez asteburuan zendu zen, 93 urterekin. Beasainen jaio zen baina gazte aurrena Espainiara eta gero Frantziara emigratu zuen eta han hil zen, Parisen. Bidean gaztelaniazko hamaika argitalpen utzi ditu. Suma de claridades lana, esaterako. Jose Luis Nuñez poesia saria jaso zuen 1982. urtean lan horri esker. 2015ean Gaztela eta Leongo (Espainia) letren saria jaso zuen, egindako ibilbideagatik. Bere arbasoak bertakoak ziren.
1945. urtean Halcon poesia aldizkaria plazaratu zuen Manuel Alonso Alcalderekin eta Luis Lopez Angladarekin batera. Editore lanak egin zituen lau urtetan.
Unibertsitatea
Espainiako Hizkuntza eta Literaturako doktorea zen Valladolideko Unibertsitatearen eskutik. Gainera, Lizentziaturako Sari Berezia jaso zuen. Unibertsitate munduan lan egiteko aukera eman zion, ikerkuntzaren eta irakaskuntzaren aldetik. Frantziako unibertsitateetan egin zuen lan, bereziki. Sobornakoan, besteak beste.
