Neskei pilotan jokatzeko gonbidapena
Neskei zuzendutako saioa izango da, esku pilota proba dezaten. Punta-puntako lau pilotari etorriko dira, hilaren 25ean.
ZUMARRAGA // Beloki elkarteak, Kirolzalek eta Ados elkarteak pilota jardunaldi irekia antolatu dute. Jardunaldi hau neskei zuzendua dago bereziki, esku pilota proba dezaten. Punta-puntako lau pilotarirekin jokatzeko aukera edukiko dute: Olatz Arrizabalaga, Amaia Aldai, Maite Ruiz de Larramendi eta Iera Agirrerekin. Jardunaldia Zumarragako pilotalekuan izango da, hilaren 25ean, 18:30ean.
