Euskararen egunaren harira lehiaketa antolatu du Ingudeak
Goierriko lantegietako Euskara Batzordeen elkarteak antolatu du. Goierritar guztiei irekita dago, eta sarean hainbat galdera erantzun behar dira.
Goierriko lantegien Euskara Batzordeak lehiaketa antolatu du Goierritar guztientzat, Euskararen eguna datorrela eta. Internet bidez, labur.eus/ingudea estekan sartuta, euskararen eta Goierriren inguruan hainbat galdera erantzun beharko dira parte hartzeko. Horrekin batera norberak lan egiten duen lantokian euskarak duen presentziaz jabetzen laguntzeko galderatxo batzuk ere badaude.
Asmatzaileen artean bi lagunentzako otordua zozkatuko dute, eta parte hartzaile guztien artean Errigorako saski bat.
Erantzuna emateko azken eguna abenduaren 3a da.
