Lide Lopez zaldibiarra azpitxapeldun Emakume Master Cup-eko hastapeneko pilota goxoa mailan
Eider Zubizarreta zarauztarra 18-4 gailendu zitzaion Abadiñoko Matiena auzoan jokatu zuten finalean
Ataungo pilota elkartearen izenean lehiatzen den Lide Lopez Murua zaldibiarra azpitxapeldun atera da Emakume Master Cup-eko Hastapeneko Pilota Goxoa mailan. Eider Zubizarreta zarauztarra erraz nagusitu zitzaion finalean (18-4). Bien arteko aldea adinean eta indarrean nabaritu zen batez ere. Zubizarretak 16 urte ditu, Lopezek 13. Abadiñoko Matiena auzoko pilotalekuan jokatu zuten finala, joan den larunbat arratsaldean. Txapelketa bikaina osatu du Lopezek, kanporaketa guztietan bikain lehiatuz eta finalerako saria lortuz. Zaldibiar ugariren animoa eta babesa jaso zituen Lopezek finalean.
