Udanako mendatea itxita dago
Euriteek kalteak eragin dituzte errepidean, eta bide-zoruak behera egin du gune batean, asfaltoa ere zartatuz
Legazpi eta Oñati lotzen dituen Udanako mendatea trafikoarentzat erabat itxita dago atzo arratsaldeko lehen ordutik. Azken asteetako euriteek lur mugimendu ugari eragin dituzte, eta errepide horretako gune batean bide-zoruak behera egin du, asfaltoa ere zartatuz.
Errepideak jasandako kalteak aztertzen ari dira oraindik, eta bidea itxita noiz arte egongo den ez dakite. Bitartean, Legazpitik eta Goierri osotik Oñatira joan nahi dutenek Deskargatik joan beharko dute.
