Urtatzako urtegira doan bidea itxiko dute astelehenean, asfaltatze lanak egiteko
Bidea ostegunera arte egongo da itxita, autobus geltokitik Biziola baserriko bidegurutzeraino.
Legazpiko Udalak jakinarazi duenez, hurrengo asteko astelehenetik ostegunera bitartean, Urtatzako urtegira doan bidea itxi egingo dute asfaltoa berritzeko lanak egiteko. Itxita egongo den bide tartea Urtatza auzotik gora dagoen autobus geltokiko markesinatik Biziola baserriko bidegurutzera bitartekoa da.
