CAF eta Iberdrola aliatu egin dira hidrogenozko trena martxan jartzeko
CAFek eta Iberdrolak hidrogenozko trena errealitate egingo dutela esan dute. «Trena inoiz baino berdeagoa izango da», zin egin zuten atzo Iosu Ibarbiak, CAFeko Teknologiako zuzendariak, eta Millan Garcia-Tolak, elektrizitate-enpresako Hidrogeno berdea sailakoren zuzendariak, aliantza sinatzerakoan.
CAF 2020tik ari da hidrogenoz propultsatutako trena garatzeko lanetan. Europar Batasunak hamar milioiko kreditua eman zion horretarako. Renferen Civia tren bat egokitu dute argindarraren beharrik gabe ibiltzeko. Apirilean hasiko dituzte probak. Iberdrolak emango die behar duten hidrogenoa.
Bilboko energia-konpainia hidrogenozko hornitzaile nagusia izateko lehian dabil. Eusko Jaurlaritzarekin hidrogenozko gasolindegi sarea sortzeko lankidetza sinatu zuen maiatzean.
Hondakinik ez
Hidrogenoak hainbat abantaila ditu erregai fosilen aldean. Agortezina izateaz gain, ura da sortzen duen hondarra. Ikatzarekin edo dieselarekin dabiltzan trenak zirkulaziotik behin-betiko atera nahi dituzte.
