Txubi gogoan, ekitaldia egin dute Bikuñan
Iazko urtarrilean hil zen Jon Zubizarreta 'Txubi'-ri omenaldi xume bat egin dio gaur arratsaldean Ilintxa futbol klubak.
Preferente mailako Ilintxa eta Urki taldeen arteko partida hasi aurretik egin dio ohore gaur Ilintxa klubak Bikuña futbol zelaian iazko urtarrilean hil zen Jon Zubizarreta Txubi klubeko jokalari eta entrenatzaile izandakoari.
Haren lagunek egindako korridore batetik pasatu dira bi taldeetako jokalariak eta Txubiren senideak, eta ondoren haren argazki baten ondoan jarri dira denak. Bertso bat eskaini diote, eta segidan hainbat oroigarri eman dizkiete senideei.
