Beasainek eta Goierri Gorrik Barakaldon jokatuko dute
GOIERRI // Beasainek eta Goierri Gorrik Barakaldon jokatuko dute bihar. Nesken partida 16:15ean hasiko da, Serralta futbol zelaian. Bost partidako bolada txarra eten nahi dute. Mutilek 19:00etan jokatuko dute, Lasesarren. Partida garrantzitsua da, bi taldeen artean puntu bakarreko aldea dagoelako. Bizkaitarrek, partida girotzeko, bazkide txartel bakarrarekin bi lagunei utziko diete sartzen.