Migel Angel Iparragirre eta Abdoul Ettalhi idiazabaldarrak Segurako finalera
Iparragirrek eta Ettalhik irabazi dute Euskal Herriko Mus Txapelketako Idiazabalgo kanporaketa, Urkiari eta Oiarbideri finala irabazita.
Idiazabal Euskal Herriko mus txapelketako Idiazabalgo kanporaketa Migel Angel Iparragirrek eta Abdoul Ettalhik irabazi dute, Iraitz Urkiaren eta Dani Oiarbideren aurkako finala irabazita. Honenbestez, martxoaren 26an Seguran jokatuko den finalerako sailkatu dira Iparragirre eta Ettalhi.
Igarondo frontoiko tabernan 8 bikote elkartu ziren larunbatean. Irabazleek txuletak jaso zituzten opari. Gainerako partaide guztiek, berriz, ardo botila bana, Kimu kultur elkarteak eskainiak.
