Merkatariei zuzenduta, konfiantza indartzen laguntzeko tailerra
Legazpiko Ilinti elkarteak antolatu du, herriko merkatariei zuzenduta. Gaur hasiko da eta datozen hiru asteetan garatuko da.
Ilintiko Merkataritza Bulego Teknikoak eta Legazpiko Udalak herriko merkatariei zuzendutako ikastaro bat antolatu dute, konfiantza indartzeari eskainita. Lau saiotan banatuta, Arantxi Eizagirre hezitzaile eta coach profesionalak emango ditu. Eizagirrek 30 urtetik gorako esperientzia du merkataritzaren sektorean.
Gaur hasita, martxoko ostegunetan izango dira saioak, 14:00etatik 16:00etara, Kultur Etxean. Dohainik dira, eta Legazpiko edozein saltokik parte har dezake.
Hauek izango dira landuko dituzten gaiak: Kontrastea, egungo egoera eta nire negozioarena. Non duzu jarrita salmentaren fokua? gaurko saioan, Konfiantza sortzen duten trebetasunak martxoaren 17koan, Bezeroekin elkar eragiteko tresna eraginkorrak. Eta tresna berriak integratzen baditugu? martxoaren 24an, eta Ekintza-plana. Zer egingo dut hemendik aurrera? martxoaren 31n.
Oso pozgarria da saio hauetan Legazpitik irten gabe parte hartu ahal izatea!
Parte hartzeko, bidali whatsapp bat edo deitu 627 342 158 telefonora
