Lidergoa lortu du Segura Goierrik
Bigarren da Landetxa, eta Bergara hirugarren. Asteburuan Irauli Bosteko taldearen aurka jokatuko du Donostian.
Segura Goierri K.E futbol taldea lider da 1. Erregionala Igoera faseko mailan. Sailkapenean bigarren postua duen Irungo Landetxa taldearen aurka jokatu zuen pasa den asteburuan, eta 5-1 irabazi zion talde segurarrak. Datorren asteburuan Donostiako Amara auzoko Irauli Bosteko K.K taldearen kontra jokatuko dute, Donostian. Zortzigarren doa Irauli. Segurako taldeak partida irabaziz gero lidergoa sendotuko du. Partida erdiak jokatu dituzte dagoeneko. Asteburukoarekin, 6 faltako dira denboraldia amaitzeko.
Iturria: Kirolak.net
12 partidu jokatuta, 29 puntu ditu Segura Goierrik, 26 Landetxak eta 25 Bergarak.
