Itsason larunbatean udaberriko auzolana egingo dute
Larunbatean izango da. 14:30ean elkartuko dira eta herriko guneak txukundu edo berrituko dituzte taldeetan banatuta. Auzolana amaitzerakoan, Ostatuan herriko produktuekin egindako afaria prestatuko dute parte hartzaileentzat. Aurrez izena ematea gomendatu dute.
Ohi bezala, udaberrian sartuta udaberriko auzolana egingo dute aurten ere Itsason. Larunbatean izango da. 14:30ean elkartuko dira eta herriko guneak txukundu edo berrituko dituzte taldeetan banatuta. Auzolana amaitzerakoan, Ostatuan herriko produktuekin egindako afaria prestatuko dute parte hartzaileentzat. Aurrez izena ematea gomendatu dute.
Hilerritik Artola bidean izandako luiziagatik erorita dauden egurrak jaso eta Itsasora eramango dituzte, su egurra prestatzeko. Goiko plazan egurra ebakiko dute eta eliza atzeko atean aldapatxo bat jarri eta kanpandorreko armairu bat zaharberrituko dute. Arrobiatik Elorri txabolara doan oinezko bidean desbrozatze lanak egingo dituzte, eta Itsason zein Alegian lorategiak txukunduko dituzte. Alegian erreka ere garbituko dute, eta lorezaintzarekin jarraituz, Itsasogoeneko bidegurutzean landareak landatuko dituzte. Arduradunek materiala prestatuko dute herritarrentzat, baina partaide bakoitzak eskularruak eraman beharko ditu.
Mokadutxoa prestatzeko
Lan guztiak bukatzerakoan, 20:00ak aldera, Ostatuan afaria izango da. Izena udaletxean eman behar da, 943 47 77 90 zenbakira deituta edo udala@itsaso.eus helbidera idatzita. Mokadutxoa prestatzeko eta asegurua egiteko behar dituzte izen emateak, baina egunean bertan ere eman ahal izango da.
