Zaldibiako Korrika Txikia iruditan
Zaldibiako Lardizabal Herri Eskolako haur eta irakasleek Korrika Txikia gaur egin dute gaur goizean herrian barrena. Zikloka banatuta eraman dute ikasleek lekukoa, eta eskolako zaharrenek, 6. mailakoek, prestatutako bertso pare batekin eman diote bukaera ekitaldiari.
Lardizabal Herri Eskolako haur eta irakasleen Korrika Txikia, gaur, herriko kaleetan. Arg.: Iñaki Gurrutxaga Korrika Txiki alai, koloretsu eta jendetsua egin dute gaur goizean Zaldibiako Lardizabal Herri Eskolako haur eta irakasleek herrian barrena 22. Korrikaren harira eta Hitzekin lemapean. Zikloka banatuta eraman dute lekukoa bina ikaslek, zaharrenetatik gaztetxoenetara, eta eskola atarian bukatu dute ekitaldia. Lehendabizi, Euskara batzordean parte hartzen duten 6. mailako ikasleek lekuko barruko mezua irakurri dute, eta talde berekoek prestatutako bertso pare batekin borobildu dute saioa.
