Burgosen berdinketa lortuta sailkapen nagusian laugarren segitzen du Ampo Ordiziak
Recoletas Burgosko Unibertsitatea taldearen aurka 22na egin du Ampok. Fase erregularra amaitzeko UE Sanboiana hartuko dute Altamiran, apirilaren 24an.
Artxiboko irudia. Arg: Carlos Mediavilla Burgostik zapore gazi-gozoarekin itzuli ziren igandean Ampo Ordiziako mutilak. Taldeak garaipena eskuratu borrokatu zuen, baina 22na bukatu zuten.
Recoletas Burgosko Unibertsitatea taldeak etxean jokatzen zuen, beraz, bultzada gehigarria zuten. Zazpigarren minutuan aurretik zihoazen markagailuan, zigor kolpe bati esker. Lehenengo zatian, puntu gutxi egin zituzten bi taldeek, bederatzi hain zuzen ere; etxekoentzat hiru izan ziren eta Ampo Ordiziarentzat 6, den-denak zigor kolpeei esker gehitu zituzten.
Bigarren zatia, desberdina izan zen.Ordiziarrak izan ziren indarra erakusten lehenak, Lander Mujikak gauzatu zuen zigor kolpe batekin. Bederatzina berdinduta zihoazela, etxeko taldeak zigor kolpe bat gauzatu zuen berriro aurrea hartuz markagailuan, baina goierritarren erantzuna berehalakoa izan zen, entsegu formarekin kasu honetan.
Partidaren 71. minutuan Burgosko jokalariek beste entsegu bat lortu zuten berriro markagailuan aurrea hartzeko. Minutu baten faltan iritsi zen neurketa berdintzeko (22-22) balio izan zuen zigor kolpea.
Berdinketarekin bada ere, sailkapen nagusian laugarren postuan jarraitzen dute Ampo Ordiziako mutilek, beraz, Play Off-etan final laurdenak etxean jokatzeko kokatuta daude. Horrela dago sailkapena errugbiko Ohorezko Mailako liga erregularra amaitzeko partida baten faltan: SilverStorm El Salvador da lider 53 punturekin; bigarren dago UE Santboiana, 52 punturekin; hirugarren, Lexux Alcobendas, 49 punturekin; laugarren, Ampo Ordizia, 45 punturekin; bosgarren, Ciencias Enerside, 43 punturekin; eta seigarren, Complutense Cisnero, 35 punturekin.
Orain, Aste Santuagatik atsedena izango dute. Hurrengo partida, fase erregularreko azkena izango dena, apirilaren 24an jokatuko dute, UE Santboianaren kontra, Altamiran.
Beste emaitza batzuk
Gainontzeko emaitzei dagokionez, 23 urtez azpikoek ere ezin izan zuten garaipenik eskuratu Gernikaren kontrako euksla debrian, eta bizkaitarrentzat garaipena(15-8).
16 urtez azpikoek 52-12 irabazi zuten Universitario Bilbaoren kontra, eta 18 urtez azpikoek ere garaipena. 13-5 egin zuten Gaztediren kontra.
