Lazkaoko festak apirilaren 22tik maiatzaren 1era ospatuko dituzte
Mozorrotuen eguna apirilaren 23an izango da, eta kuadrillena 30ean. Ondoren, Lazkaomendiko festak etorriko dira, maiatzaren 6tik 8ra.
Mozorrotuen eguna apirilaren 23an izango da Lazkaon. Argazkian, 2019koa. /Aimar Maiz Lazkaon festak ospatuko dituzte aurten, bi urteko hutsunea gaindituta. Apirilaren 22an hasiko dira, eta asteburu osoko egitaraua izango da, lehenengo ekinaldirako. Ondoren, apirilaren 27tik maiatzaren 1era garatuko da egitarauaren mardulena. Guztira, 67 ekitaldi antolatu ditu udalaren Festa Batzordeak, herriko hainbat eragile eta talderekin elkarlanean. Gaur eguerdian aurkeztu dute egitaraua, udaletxean.
Pandemiaren irteeran egonik, arduraz jokatzeko deia egin du udalak, baina 2019ra arteko jaien egitura bera prestatu dute San Prudentzio festetarako. Zenbait sentsibilizazio kanpaina ere burutuko dituzte, eta festak “errespetuz” ospatzeko dei egin dute. Txupinazoa eta jai hasierako pregoia aurten 25 urte bete dituen Lazkao Txiki Musika Eskolak egingo du, apirilaren 22an. Egitarau liburuxkako azala, bestetik, Maider Urretabizkaia margolari lazkaotarrak diseinatu du.
Mozorrotuen eguna apirilaren 23an izango da Lazkaon. Argazkian, 2019koa. /Aimar Maiz
Mozorrotuen eguna apirilaren 23an ospatuko da, eta kuadrillena 30ean. Herriko jai nagusiak igaro ondoren, Lakzaomendi auzoko festak maiatzaren 6tik 8ra bitartean izango dira.
Lazkaoko San Prudentzio 2022 jaietako egitaraua
Apirilak 22, ostirala
- 18:00. Esku pilota txapelketako finalaurrekoak, plazako frontoian.
- 19:00. Txupinazoa, Lazkao Txiki Musika Eskolak botatakoa. Jundajo txaranga, erraldoiak eta buruhandiak, eta dultzaineroak.
- 20:00. Xaiborren kontzertua (20:00-21:30 eta 23:00-01:00).
Apirilak 23, larunbata. Mozorrotuen eguna.
- Eguerdian. Mozorrotuen irteera. Jundajo txaranga.
- 17:30. ‘Urpekariak’ ikuskizuna, umeentzat. Lazkao Txiki Plazan.
- 19:00. Brincadeira taldearen kale animazioa.
- 22:00. Zelanda taldearen kontzertua.
Apirilak 24, igandea
- 10:00. Artisautza azoka.
- 17:30. ‘Kantu kolore’ ikuskizuna, Arerian.
- 18:30. Oin-Arin dantza taldearekin triki-dantza kalejira, herrian barrena.
- 19:00. ‘Tomaxen abenturak’ ikuskizuna, Lazkao Txiki plazan.
Apirilak 27, asteazkena
- 15:00. Xake txapelketa.
- 18:30. Musika eskolako konbo taldeen kontzertuak.
- 19:00. Buruhandiak.
- 22:00. Bull DJa (22:00-01:00)
Apirilak 28, osteguna, San Prudentzio eguna
- 09:00. Goiz eresia.
- 11:00. LAPKE pilota elkartekoen pilota partidak.
- 12:00. Trikitilariak, plazan.
- 13:00. Agintarien soka-dantza.
- 17:00. Lazkaoko Begirale Taldearekin jolasak, 8-13 urte bitartekoentzat.
- 17:30. Tor magoaren ikuskizuna, Lazkao Txiki Plazan.
- 19:00. Benta Zaharreko Mutiko Alaiak musika taldearen kalejira.
- 19:00. Oskarbi eta Kantaka abesbatzen kantaldia, Arerian. Sarrerak udaletxean.
- 20:00. Joselu Anaiak taldearekin erromeria. (20:00-21:30 eta 22:30-01:00).
Apirilak 29, ostirala. Umeen eguna.
- 10:00. Goiz eresia.
- 11:00. Tolin mariatxi taldea, Txindoki gerontologikoan.
- 17:00. Esku pilota txapelketako finala, plazako frontoian.
- 18:00. Suthai batukada taldea.
- 19:00. Play-back kantaldia.
- 19:00. Tolin mariatxi taldea, Orobione aurrean.
- 19:00. Sardina erre jana.
- 22:00. Oihan Vegaren musika.
Apirilak 30, larunbata. Kuadrillen eguna
- 09:30. Lazkaoko Proba txirrindularitza lasterketaren hasiera.
- 12:00. Sugarri txaranga.
- 17:00. ‘Ttiki Ttaka Irratia’ haurrentzat ikuskizuna, Lazkao Txiki Plazan.
- 19:00. Rockalea taldea, kaleetan.
- 22:30. Kontzertua: Zetak taldea.
Maiatzak 1, igandea
- 09:00. Lazkaoko Musika Bandaren goiz eresia.
- 10:00. Igeriketa lehiaketa.
- 12:00. Bakailao lehiaketa.
- 13:00. Urrezko Aizkorako saioa.
- 16:00. Toka txapelketa.
- 17:30. Dantza solteko txapelketa.
- 19:30. Lazkaoko Musika Bandaren kontzertua.
Lazkaomendiko festak
Maiatzak 6, ostirala
- 18:00. Txupinazoa, Lartxai elkartean.
- 18:30. Talo tailerra, haurrentzat.
- 19:30. Oixani DJa.
Maiatzak 7, larunbata
- 10:00. Lazkaomendiko Proba txirrindulari lasterketa, juniorrentzat.
- 10:15. Pilota erakustaldia.
- 12:00. Puzgarriak (12:00-14:00 eta 16:00-18:00), Albitsu jatetxe aurrean.
- 16:00. Mus txapelketa, Ixurrene jatetxean.
- 18:30. Potxin eta Patxin pailazoak, Albitsun.
- 19:30. Buruhandiak.
- 20:00. Elustondo anai-arrebekin erromeria Albitsun, eta Astiazaran II.a eta Andonegi trikitilarien erromeria Ixurrenen.
- 21:00. Auzo afaria.
- 22:00. Astiazaran eta Andonegi, Ixurrenen.
Maiatzak 8, igandea
- 08:30. Mendi ibilaldi neurtua, Lazkaotik.
- 11:00. Haur jolasak.
- 12:30. Meza.
- 13:00. Bertsolariak: Andoni Egaña eta Maddalen Artzallus.
- 17:30. Herri kirolak, bertako hiru talderen arteko desafioa: gazteen taldea, helduen taldea eta Zaldibiakoen taldea parez pare.
- 19:00. Antsorregi eta Larrañaga trikitilariekin erromeria.
