Txerri Gorri elkarteko mus txapelketa larunbatean jokatuko da
Mutiloako elkartean 15:30ean irekiko da izen ematea. Bikoteko 20 euro ordaindu beharko dira.
Pandemia aurreko ekitaldiak berreskuratzen ari dira pixkanaka herrietan eta horietako bat da Mutiloako Txerri Gorri elkarteko IX. mus txapelketa. Apirilaren 30ean da hitzordua. 15:30etik 16:00etara egongo da izena emateko aukera, eta ondoren hasiko dira kanporaketa saioak.
Parte hartzea irekia izango da eta bikote bakoitzak 20 euro ordaindu beharko ditu. 8 erregetara eta 3 usteletara jokatuko da.
Jasotako diruaren %75a saritan banatuko dute antolatzaileek. Irabazleek txapel bana jasoko dute eta bestelako sariak ere egongo dira lehen lau bikoteentzat.
