'Koaderno botanikoa' tailerra, larunbatean, Igartubeitin
Itziar Unzurrunzagak egingo du tailerra. Izena eman behar da aurrez.
Igartubeiti Baserri Museoak ‘Koaderno botanikoa’ familientzako tailerra antolatu du larunbaterako. 7 urtetik gorako haurrak dituzten familiei zuzendutakoa da eta Itziar Unzurrunzagak eskainiko du, 16:30etik 18:30era. Igartubeiti inguruko landareak neurtu eta marraztuko dituzte parte hartzaileek, zurtoinekin, hostoekin, loreekin eta fruituekin liburuxka botanikoa sortzeko. Aurrez izena eman behar da museora deituta edo idatzita.
