Musika emanaldiak egingo dituzte Lazkao Txikikoek
Ikasturte bukaerako kontzertuekin hasi da Lazkao Txiki Musika Eskola. Gaur hasiberriak ariko dira Lazkaon, eta bihar Ataungo ikasleek joko dute, eskolan.
Lazkao Txiki Musika Eskolako trikitixa ikasleak, festetan Lazkao Txiki Musika Eskolak atzo hasi zituen kurtso bukaerako kontzertuak, pianoko eta helduen taldekoen kontzertuekin. Gaur, hasi berrien emanaldia (17:30, Arerian), biolinekoak (17:00, Arerian) eta pianokoak (18:30, kultur etxean) ariko dira. Bihar Ataunen egingo dute kontzertua, hango ikasleek, 16:15ean, eskolan.
Ostegunean, piano, gitarra eta musikoterapiakoak (17:00, Areria), bateriakoak (17:00, kultur etxean), kantukoak (18:30, kultur etxean) eta gitarrako gazteak (19:00, Arerian); eta etzi trikitikoak (17:00, kultur etxea) dira.
Matrikulazioa ere hasi du musika eskolak, barne ikasleentzat atzotik hilaren 18ra, eta berrientzat 23tik 31ra.
