Ausa Zaldibik errenta polita lortu du itzulikorako
Gaur Logistika Lazkao taldeari 6-2 irabazi dio etxean, eta Lazkaon erabakiko da datorren asteburuan bietatik zein taldek jarraitzen duen play off-etan. Areto futboleko Gipuzkoako 2. mailatik 1.go mailara igotzeko faseko joaneko partida izan da Resti pilotalekuan jokatutakoa.
Ausa Zaldibiko jokalaria, goletako bat ospatzen. Arg.: Iñaki Gurrutxaga Areto futboleko Gipuzkoako 2. mailan lehiatzen diren Ausa Zaldibik eta Gaur Logistika Lazkaon lehen mailara igotzeko joaneko partida jokatu zuten atzo arratsaldean Zaldibiako Resti pilotalekuan. Lehen zatia bina amaitu zen, eta bigarrena hasi eta gutxira 3-2koa lortu zuen etxeko taldeak. Azken bost-hamar minutuetan puskatu zen partida, Ausa Zaldibik hiru gol sartu baitzituen segida samarrean (6-2), eta kanporaketa aldeko jartzea lortu. Datorren asteburuan jokatuko dute itzuliko partida bi taldeen, Lazkaon.
Lazkaok lehen postuan bukatu zuen liga erregularra, eta Zaldibiak laugarren. Bigarren eta hirugarren postuan bukatu zutenek ere asteburuan jokatu dute haien arteko norgehiagoka. Bina amaitu zen Ingo Counbroker eta Teep Tolosalaren arteko partida. Kanporaketa hau gainditzen dutenek lehen mailara igotzeko lehian jarraituko dute.
