Bazkariak eta bertso zaharrak San Isidro egunean
ZerainLabek antolatuta, Oiharte sagardotegian bazkaria egin dute 80 bat lagunek. Herri bizitza batzordeak antolatuta, herriko artzainen arkumea Lumagorriko hegalen jana egiteko elkartu dira 60 bat lagun herriko plazan.
Zerainen ere ospatu dute San Isidro nekazarien eguna igandean. Batetik, ZerainLab elkarteak antolatuta, Dani eta Pello trikitilariekin triki poteoa izan dute eguerdian, eta ondoren Oiharte sagardotegian bazkaria, trikitilariek alaituta. 80 bat lagun elkartu dira. Bazkalondoren bertso zaharrak kantatu dituzte Eñaut Agirrek eta Unai Agirrek. Bestetik, Herri Bizitza Batzordeak antolatuta, herriko plazan elkartu dira 60 bat lagun. Mendarteko mahastiko zotzak sutarako erabiliz, herriko artzainen arkume eta Lumagorrriko hegale jana egin dute.
