Kadete nesken taldea Ohorezko Mailara igo da
Denboraldi borobila egin dute. Partidu bakarra galdu dute, bi berdindu eta 11 irabazi. Senior taldea osatu nahi dute datorren denboraldirako.
Aizkorri Goierri nesken kadete futbol taldea ohorezko mailara igo da. Denboraldi bikaina egin dute. 35 puntu lortu dituzte, 11 partidu irabazita, bi berdinduta eta bakarra galduta. Haien multzoan bigarren geratu den Danena K.E-ri 11 puntuko tartea atera diote. Xabat Maioz eta Xabier Alustizak zuzentzen dute eta Mutiloako, Ormaiztegiko, Zegamako eta Segurako neskek osatzen dute taldea. Hurrengo denboraldiari begira, taldeak bi erronka ditu. Batetik, nesken egitura indartzea, eta bestetik, senior mailan lehen aldiz taldea izatea. Azken hori lortzeko, kanpaina bat egingo du klubak taldekide gehiago lortzeko.
