Ikastola eguna eta Kirol festa egingo ditu Haztegik gaur eta bihar
Gaur arratsaldean jai giroa izango da ikastola inguruan, baina herri osora zabalduko da erraldoiek eta buruhandiek egingo duten kalejirarekin. Biharko kirol jardunaldia Euskal Herria plazan egingo da.
Slackline praktikatzeko aukera izango da bihar plazan Ikasturte amaiera iristen ari den honetan, Haztegi ikastolak bi hitzordu proposatu dizkio bere komunitateari gaurko eta biharko. Ikastola Eguna ospatuko dute gaur, eta bihar, Kirol jaia.
Ikastola eguna
Gaurko festa 16:30ean hasiko da, trikitilari eta panderojoleen emanaldiarekin. Ereserkia, dantza saioak eta gorputz perkusioa etorriko dira ondoren, eta 17:00etan, puzgarriak jarriko dituzte martxan atzeko pilotalekuan, 17:45ean batukada saioa egingo dute eta 18:00etan Tor magoaren ikuskizuna hasiko da.
Magia saioaren amaieran, euskal dantza plazak egingo dituzte, eta gero, Legazpiko erraldoien eta buruhandien kalejirari emango diote hasiera; Latxartegi parkean eta Kale Nagusian ibiliko dira.
Hainbat txoko ere izango dira patioan, pultserak eta lepokoak eta karetak eta mandalak egiteko, xaboi ponpekin jolasteko, makilatzeko eta azazkalak margotzeko, Ikastolako denda ere egongo da, kamiseta, poltsa eta zapiekin, eta baita elkartasun txokoa eta Merkatu txikia ere. Horrez gain, jolasak egingo dira patioan arratsaldean zehar.
Egunari amaiera emateko, afaria egingo dute 21:00etan, eta afalostean dantzaldia izango da.
Kirol festa
Biharko Kirol festa Euskal Herria enparantzan egingo da, 09:30etik 13:30era. Besteak beste, eskalada eta slackline praktikatzeko eta toka eta igela jokoetan aritzeko aukera izango da, baita soka saltoan egitekoa ere.
