Uxue Kerejeta musikaria, gaur gauean ETB1en
Zumarragako kantariak Gaztea Cover lehiaketako finalerdietan egindako saioa emango dute. Gaur jakingo da finalerako sailkatu ote den.
Uxue Kerejeta zumarragarrak Gaztea Cover lehiaketako bigarren finalerdian parte hartu zuen duela bi aste, Gasteizen, Xabi Bandiniren Zalantza eta egia kantarekin. Finalerdia ETBk grabatu zuen eta gaur emango dute: 22:35ean, ETB1en. Gaur jakingo da nortzuk sailkatu diren finalera. Finala ekainaren 14an izango da, 22:15ean, Donostian. ETB1en emango dute, zuzenean.
