Ekain Imaz Espainiako selekzioak deitu du
Beasaindarraren lehen deialdia da Espainiako selekzioaren talde nagusiarekin. Larunbatean egin dezake debuta, Barbarians taldearen aurka
Imaz, zuri-gorriz, Biarritz Olympiqueken partida batean Ekain Imaz Agirre Espainiako selekzio nagusiaren deialdian sartu da, lehen aldiz. Manu Mora kapitainetako bat ordezkatuko du. Ordizia Rugbyko harrobian aritu ostean Biarritz Olympique taldeko jokalaria da egun. Denboraldian zehar egindako lan onaren saria jaso du hala.
Larunbatean egin dezake debuta. Espainiako selekzioak Barbarian taldearen aurka jokatuko du, Xixonen (Espainia), El Molinon zelaian. Goi mailako aurkaria da, mundu mailako selekzio baten parekoa delako.
