Landareen sekretuak ezagutzeko udako aukera bakarra
'Landareen sekretuak' bisita tematikoa antolatu du Igartubeiti Baserri Museoak larunbaterako. Izena eman behar da aurrez.
Igartubeiti Baserri Museoak ‘Landareen sekretuak’ bisita tematikoa antolatu du larunbaterako. Igartubeiti inguruko landare jangarrien propietateak eta erabilerak ezagutzeko aukera izango dute bisitariek, eta amaieran, landareekin egindako pintxoak dastatuko dituzte. Udan egingo duten bakarra izango da. 17:00etatik 18:00etara izango da eta aurrez izena eman behar da, 943722978 edo 943725107 telefono zenbakietara deituta.
