HARA!
Autobusa trabatuta tren geltokitik Plazaolara tartean, saihesbideko zubi azpian
Lurraldebuseko DG03 lineako autobusa zen. Bide okerretik sartu zen Legazpira.
Sare sozialetan bolo-bolo dabiltza atzo Legazpin zubi baten azpian trabatu zen autobusaren irudiak. Gertakaria 11:00k inguruan izan zen, Lurraldebuseko DG-03 lineako autobus gidari batek, Oñatitik zetorrela saihesbidea utzi, eta Plazaola aldera jo zuenean. Tren geltokia eta Plazaola kalea lotzen dituen bidean trabatuta geratu zen autobusa, saihesbideko zubi azpian. Nonbait, gidaria berria zen linea horretan, eta ez zuen ibilbidea ondo ezagutzen.
Atzokoa ez da izan zubi horren azpian ibilgailu bat trabaturik geratu den lehen aldia.
