"Entzuleek ematen diote zentzua"
Xabier Sarasola antolatzaileak herritarrei dei egin die. "Pertsona aberatsagoak" izango direla zin egin die
Xabier Sarasola Igartza Musika zikloko antolatzaileetako batek beasaindarrak “goi mailako musika entzuteko aukera baliatzera animatu” ditu. “Zergatik esaten dudan hau? Emanaldi batzuk oso ondo funtzionatu dutelako eta beste batzuk, gure ustez, ez hain ondo. Eta ez merezi ez zutelako”, zehaztu du.
Sarasolak ez du zalantzarik Beasainen musika zaletasuna egon badagoela, emanaldi batzuetan aretoak bete egin direlako. Beste batzuetan, aldiz, ez. “Badakigu bizitza aldatzen ari dela eta kalerako joera hartzen ari garela, baina denok egin behar dugu hausnarketa eskaintzen den horri zein arreta jartzen diogun, herritar bezala”, esan du. “Zikloa antolatzen dugunean udaletik beti pentsatu da inbertsio bat dela. Baina jendea behar du. Entzuleek ematen diote zentzua”. Entzule rola hartuko dutenei “pertsona aberatsagoak” bilakatuko direla zin egin die.
