Gaur hasiko dira Mutiloako San Pedro jaiak, txerria udaletxera jaitsita
Bost egun izango dituzte mutiloarrek festez gozatzeko, gaurtik igandera. Bihar patata tortilla lehiaketa izango da eta etzi sagardo dastaketa. Igandean pentatloi ikuskizuna egingo dute
Gaurtik igandera San Pedro jaiak ospatuko dituzte Mutiloan. Gaur eguerdian hasiko da festa. Txerria jaitsiko dute udaletxeko balkoira, festei hasiera emateko. Paella jango dute herritarrek ondoren, eta Elustondo anaia-arreba trikitilariek giroa alaituko dute. Bost eguneko egitaraua prestatu dute, gastronomiarekin, musikarekin eta kirolarekin, festez gozatzeko.
Bihar 23. Patata tortilla lehiaketa izango da arratsaldean. Parte hartzeko Ostatun eman behar da izena. Prestatutakoak gerturatzen direnen artean banatuko dira, eta ardoa ere banatuko da. Ondoren, toka lehiaketa jokatuko da. Ostiralean, aldiz, 28. sagardo dastaketa egingo da. Taloak eta pintxoak egongo dira, eta dastaketaren ostean, nahi dutenek oilasko errea jateko aukera izango dute.
Gazte bazkariko txartelak
Larunbatean gazte bazkaria egingo da eguerdian, eta herri afaria gauean. Txartelak hartzeko 943 80 11 66 telefono zenbakira deitu behar da. Igandean amaituko dira festak. Bola lehiaketa, pentatloia, dantza saioa… izango dira. Amaitzeko, Elortza eta Iñaki Larrañaga trikitilarien eskutik erromeria izango da.
San Pedro jaiak 2022
GAUR, ASTEAZKENA
· Eguerdian. Txerriaren jaitsiera udaletxeko balkoira.
· 14:00. Meza.
· 14:30. Paella jana. Bazkalondoren, Elustondo trikitilariak.BIHAR, OSTEGUNA
· 18:30. 23. patata tortilla lehiaketa.
· 20:00. Toka lehiaketa.
· Iluntzean. Iñaki Rezusta eta Jon Sagarna trikitilariak.OSTIRALA, UZTAILAK 1
· 20:00. 28. Sagardo dastaketa. DJ Oxanik giroa alaituko du.
· 23:30. Joselu Anaiak taldea.LARUNBATA, UZTAILAK 2
· 14:30. Gazte bazkaria.
· 17:30. Ume jolasak.
· 21:00. Herri afaria.
· 23:30. Hizpide eta Mugi Panderoa taldeen kontzertuak.IGANDEA, UZTAILAK 3
· 11:00. Bola lehiaketa.
· 11:30. Meza.
· 12:15. Gabiriako Goruntz dantza taldearen emanaldia.
· 12:30. Txakolin dastaketa.
· 12:45. ‘Hegoak, erroak eta eroak’ elkartearen ikuskizuna.
· 17:00. Iñaki Villanuevaren egur taila erakustaldia.
· 18:30. Herri kirolak. Xabier Zalduaren eta Ioritz Gisasolaren pentatloi ikuskizuna.
