Aritz Aldasoro, Racingera
Erdilari beasaindarrak Reala utzi eta Santandergo (Espainia) taldean jokatuko du datozen bi denboraldietan. Bigarren mailan jokatuko du
Aritz Aldasoro Santandergo (Espainia) Racing taldean jokatuko du datozen bi denboraldietan. Bigarren mailan jarraituko du, hortaz.
? FICHAJE | Aritz Aldasoro se une a la plantilla del Racing 2022/23. ¡Bienvenido, @aritzztira! https://t.co/uGx8N0R5AW pic.twitter.com/XCFpnGuwvo
— Real Racing Club (@realracingclub) June 30, 2022
Erdilari beasaindarrak hamar urte egin ditu Realean, ia bere bizitza erdia, eta bigarren taldeko kapitaina izan da sasoi honetan. 28 partida jokatu ditu eta hiru gol sartu ditu. Kontratua amaitu zaio eta ez dutenez berritu, libre joan da Santanderrera.
Aldasorok aitortu du ez dela erraza bere “etxea” izan dena uztea, sare sozialen bidez. “Agur hitza idaztearekin begia bustitzen zaizkit. Ezinezkoa izango zait inoiz Realak eman didana itzultzea”, esan du. “Ohorea” izan dela dio Reala zelaian, kalean eta nonahi ordezkatzea.
Presidente, entrenatzaile, prestatzaile… guztientzat esker oneko hitzak izan ditu. Taldekideentzat baita ere. Asko bizitza osorako lagunak izango direla aipatu du. Zaleentzat ere hitz egin du. “Bejondeizuela. Gaurtik aurrera horietako bat gehiago izango nauzue”.
View this post on Instagram
