Bero kolpeak tenperatura altuak dakartza berriz ere
Beste bero kolpe batek astinduko du Goierri aste honetan. Tenperatura altuak iragarri dituzte datozen egunetarako.
Goierri
Bero zakarra egingo du datozen egunetan, bero kolpe berri baten eraginez. Euskalmet meteorologia agentziak abisu horia eman du, 37º-ra arteko tenperaturak egin ditzakeela eta. Asteburuan hasi da tenperaturen igoera nabaritzen, 30º arteko tenperaturak neurtu dituzte eskualdean. Gaur ere 31º-ra arte igoko dira, eta bihartik ostegunera arte 33º eta 34º arteko maximak espero dira. Egunik beroena, iragarpenen arabera, ostirala izango da, 37º-rekin.
