Udako argazkiek saria dute
GOIERRIKO HITZAK 17. urtez antolatu Udako Argazki Lehiaketa. Edonork har dezake parte. HitzaKide direnek sari bereziak irabazteko aukera izango dute. Irailaren 16an amaituko da epea.
Abuztuko oporrak bukatu badira ere, oraindik udako argazkiei probetxua atera daiteke. Izan ere, GOIERRIKO HITZAk martxan du Udako XVII. Argazki Lehiaketa. Oporretako argazkirik gustukoena aukeratu eta parte hartzen dutenek sari ederrak irabazteko aukera izango dute.
Edonork har dezake parte, irakurle guztientzako irekia baita. HitzaKide direnek, ordea, sari bereziak irabazteko aukera izango dute. Aurten, Nekaturrek eskainitako nekazalturismo bateko egonaldia, eta Zeraingo Ostatuan bi lagunentzako otordua banatuko dira, besteak beste, irabazleen artean. Beste saridunek, Manipel etxeak eskainitako argazki handitzeak jasoko dituzte opari.
Irailaren 16ra arte
Lehiaketan parte hartzeko, nahikoa da goierri.hitza.eus webgunean argazki lehiaketari eskainitako atalean sartu eta atal horretako formularioa betetzea. Datu guztiak sartzea derrigorrezkoa da eskaera ondo onartzeko. Parte-hartzaile bakoitzak, argazki bakarra aurkeztu ahal izango du. Gaurtik hasi eta irailaren 16ra arte izango da horretarako epea.
Handik aurrera, irakurleek astebeteko epea izango dute argazki gustukoenak bozkatzeko. Sari banaketa, berriz, urriaren 6an izango da, Nafarroa 23 estudioan egingo den ekitaldian.
Udako 17. Argazki lehiaketa
OINARRIAK:
· Lehiaketa. GOIERRIKO HITZAren Udako XVII. Argazki Lehiaketa.
· Epeak. Irailaren 16ra bitartean bidal daitezke argazkiak, lehiaketaren atalean sartu eta formularioan datu guztiak beteta.
· Parte-hartzea. Irekia izango da parte hartu nahi duten guztientzat. HITZAkideek, sari berezietarako aukera izango dute.
· Sari banaketa. Urriaren 6an, 19:00etan, Beasaingo Nafarroa 23 estudioan izango da.SARIAK
· Hitzakideen 1. Saria. Nekazalturismo batean bi lagunentzako bi eguneko egonaldia (gosaria barne), Nekatur-ek eskainita.
· Hitzakideen 2. Saria. Zeraingo Ostatuak eskainitako bi lagunentzako otordua.
· Argazkirik onena. Manipelek eskainitako 60x100ko argazki handitzea, Kappa euskarrian.
· Irakurleen botoa. Webgunean boto gehien jasotzen duen argazkiarentzat 50x80ko argazkihanditzea, Manipelek eskainia.
