Ormaiztegiko jubilatuek urriaren 2an ospatuko dute haien eguna
Olaberriko Arrieta jatetxean bazkalduko dute. Ormaiztegiko Oin-Harriak Jubilatuen egoitzan eman daiteke izena ostegunera arte, 16:00etatik 18:00etara.
Izaskun Unzurrunzaga kultur zinegotzi ohia eta Juan Antonio Abellon, 2018an. Ormaiztegiko jubilatuek urriaren 2an ospatuko dute herriko Jubilatuen Eguna. Meza, bazkaria eta musika izango dute eguna jai giroan pasatzeko. 13:00etan hildako bazkideen aldeko meza egingo da Ormaiztegiko parrokian, eta 14:30etarako Olaberrira joango dira Arrieta jatetxera bazkaltzera. 14:00etan aterako da autobusa plazatik. 35 euroko menua izango da. Bazkalondoren, Elustondo anaia-arrebek alaituko dute giroa.
Bazkarirako izena eman behar da, Ormaiztegiko Oin Harriak Jubilatuen egoitzan, osteguna baino lehen, 16:00etatik 18:00etara. Zalantzak argitzeko edo informazio gehiagorako 688885879 zenbakira deitu daiteke.
