Antzerki eskola bat Lazkaoko ikastolan
San Benito ikastolak bertan diharduten ikasle guztientzat antzerki eskola hasiko du, aurten ere. Izena emateko epea irailaren 29ra arte dago, LHtik Batxilergora bitarteko ikasleentzat.
Antzerki bat Arerian, ikastolako haurren Ruandarekiko elkartasunez egina./Aimar Maiz Lazkaoko San Benito ikastolak antzerki eskola martxan jarriko du, aurten ere. Ikastolan dabiltzan haur eta gaztetxo guztiek izango dute parte hartzeko aukera, hasi Lehen Hezkuntzatik eta Batxilergokoetaraino, DBHkoetatik pasatuta. Lazkaoko Antzerki Taldea sortu dute, eta izena emateko epea irailaren 29ra artekoa da.
Antzerki irakaslea Kristina Ropero izango dute, eta astelehenetan egingo dira entsegu-saioak, Areria antzokian. Izen-emate kopuruaren eta duten adinaren arabera antolatuko dituzte taldeak eta ordutegiak. LHkoek ordubeteko saioak edukiko dituzte, eta DBHkoek nahiz Batxilergokoek ordu eta erdikoak. Hilero kuota bat kobratuko diete ikasleei.
Antzerki bat Arerian, ikastolako haurren Ruandarekiko elkartasunez egina./Aimar Maiz
