Zaldibiako pilota harrobian 62 haur eta gazte ariko dira
Gaztelupe pilota eskolan 45 neska-mutikok landuko dute pilota kirola. Federatuta hamar lagun lehiatuko dira elkarteko fitxarekin, eta beste zazpi kanpoko klubekin.
Gaztelupe elkarteko pilotariak eta haurrak, ekainean, Zaldibian profesional ohiek eta herriko afizionatuek jokatu zuten partidan. /Iñaki Gurrutxaga Izen-emate eta fitxa egite epeak amaituta, Zaldibiako Gaztelupe pilota elkarteak dauzkan pilotarien eta, oro har, herrian pilotan jokatuko duten haurren nahiz gazteen kopuruen berri eman du. Gazteluperen pilota eskolan, Lehen Hezkuntzako 45 neska-mutikok eman dute izena. Kirol eskola gisa lehiatuko dira, heziketa oinarri hartuta.
Federatuen artean, berriz, Gaztelupek hamar pilotariko plantilla osatu du. Bost infantil, kadete bat, jubenil bat, 22 urtez azpiko bi eta nagusi bat ditu. Horiez gain, beste zazpi pilotari zaldibiar ere federatuta ariko dira, baina beste herri batzuetako klubekin: esku huska, bi kadeteak dira eta afizionatuak beste bi. Erremintekin, berriz, zesta-puntan infantil bat eta palan bi lagun ariko dira.
Gaztelupe elkarteko pilotariak eta haurrak, ekainean, Zaldibian profesional ohiek eta herriko afizionatuek jokatu zuten partidan. /Iñaki Gurrutxaga
