Josu Urrestarazu eta Enara Oronoz garaile Arriaranen
Arriarangoa Euskal Herriko mendi duatloi zirkuituko laugarren proba izango da, Goierriko bigarrena.
Eguraldia lagun, Arriarango mendi duatloia jokatu da gaur arratsaldean, Euskal Herriko mendi duatloiko zirkuituko laugarren proba puntuagarria. 15:00etan, haurren lasterketak izan dira eta 16:00etan puntuan, suziriaren ondoren, 34 parte hartzaileak (4 bikote) abiatu dira korrika. Lehenengo sektorea korrika egin dute, 6 km. Ondoren, txirrinduak hartu eta 7,5 kilometroko bi itzuli osatu behar izan dituzte. Amaitzeko, bi kilometro egin dituzte korrika.
Helmugara iristen lehena, Josu Urrestarazu idiazabaldarra izan da. Urrestarazuk Euskal Herriko mendi duatloiko lau probetatik hiru irabazi ditu dagoeneko. 1:25:04 denbora behar izan dute hiru sektoreak osatzeko. Bigarren postuan Paul Bereziartua sartu da bi minutura (1:27:06). Eta hirugarrenean, Endika Mantecon zeraindarra (1:29:07).
Lau emakumezkok hartu dute parte Arriaranen. Enara Oronoz izan da garailea, 1:44:56 denbora osatuta. Podiumeko bigarren postura Nekane Pradera igo da, 2:00:28 denbora eginda, eta hirugarrenera, Ainhoa Usandizaga (2:02:14).
Bikoteka edo erreleboka lehiatzeko aukera ere izaten da. Lauk bikotek hartu dute parte eta Manez eta Eñaut Urkaregi anaiak izan dira irabazle, Iñaki eta Josu Odriozola salbatorear anaien aurretik. Hirugarren sailkatu dira Aimar Aiestaran eta Ioritz Carrera zaldibiarrak.
