Gipuzkoako txapelketako bi pilota partida jokatuko dira ostiralean
Lur Elortza zeraindarrak Getariko Gure Txeruko pilotari baten aurka jokatuko du, eta Amets Albizu segurarrak Oñatiko Aloña Mendiko baten aurka.
Ostiralean, Zeraingo pilotalekuan, Gipuzkoako txapelketako bi pilota partidu jokatuko dira. Batetik, Lur Elortza zeraindarrak Getariko Gure Txeru taldeko pilotari baten aurka jokatuko du, eta bestetik, Amets Albizu segurarrak Oñatiko Aloña Mendi taldeko baten aurka. 18:00etan hasiko da pilota jaialdia. Herritarrak gonbidatu dituzte partiduak ikustera eta goierritarrak animatzera.
