Aizkorrin Barrena mendi martxako kamisetak gaurtik jaso daitezke Izadi Zaleak elkartean
Mendi martxa egunean egindako enkarguak iritsi dira. Urrian zehar banatuko dituzte kamisetak.
Aizkorrin Barrena mendi martxako antolatzaileek jakinarazi dutenez, gaur hasiko dira legazpiarren artean kamisetak banatzen Izadi Zaleak elkartean. Urriko astearteetan eta ostegunetan egongo dira han, 18:30etik 19:30era.
Ohi bezala, mendi martxa egin eta amaitzean, kamiseta bat jasotzen dute oparitzat mendizaleek, baina legazpiarrei aste batzuk itxaroteko eskatzen diete antolatzaileek, eskarien arabera egiteko kamiseten enkargua. Egun hauetan iritsi dira eskatutako kamiseta horiek, eta gaurtik aurrera jaso ahal izango dira elkartean.
