Ostegunean hasiko da Zeraingo udazken kulturala
'Energiaren erronkaren aurrean herritarron eginkizuna' hitzaldia egingo du Iñigo Ansola EEE Energiaren Euskal Erakundeko zuzendariak, elizan.
Iazko udazken kulturaleko argazkia. Gure Zirkuko Iker Galartza eta Ekain Ibarguren Zerainen izan ziren. //ZerainLab ZerainLabek aurtengo udazken kulturaleko egitaraua zabaldu du. Ostegunean hasiko da. Abenduaren 3ra arte hainbat jarduera antolatu ditu elkarteak. Herri bazkariarekin eta bertso txapelketa herrikoiarekin amaituko da ekintza sorta. Hemen egitaraua, osorik:
- Azaroak 10: Energiaren erronkaren aurrean herritarron eginkizuna hitzaldia egingo du Iñigo Ansola EEE Energiaren Euskal Erakundeko zuzendariak, 18:30ean, Zeraingo elizan.
- Azaroak 16: Olentzero, nora zoaz? hitzaldia, Oier Araolaza dantzari, kazetari, antropologo, blogari eta idazlearen eskutik, 18:30ean, elizan.
- Azaroak 25: Enurirekin elkarrizketa, Maria Redondo eta Aitziber Errazkin aktoreekin, 17:30ean, plazan.
- Abenduak 3: Erribera beste herri bat da. Geuretik sortuak proiektuaren esperientzia hizpide, Maialen Akizurekin, 12:00etan, elizan.
- Ondoren, 14:00etan, herri bazkaria Mandio tabernan, bertsolari eta trikitilariek alaituta. Bazkalostean, bertso txapelketa herrikoia.
