'Pintto pintto' abestiaren historia
Zegaman bizi den Emilio Txurruka mallabiarrak Zaldibiako Saturdi auzoko festetan entzun zuen lehen aldiz abestia. Gogoan hartu zuen letra eta doinua, eta Jose Inazio Ansorenak eraman zuen partiturara.
Makina bat mila euskaldunek abestu dute Pintto pintto abestia, Kixki, Mixki eta Kaxkamelon pailazoek 1976an izen bereko diskoan atera zutenetik. Euskarazko abesti ikasienetakoa izango da, ziurrenik. Baina aurretik ere abesten zen, eta Goierrin gainera. Abesti itsaskorra pailazoen belarrietara iristeko bitartekaria Emilio Txurruka zegamarra izan zen.
Mallabiarra da izatez Txurruka, eta Zegaman bizi da. Kasualitatez entzun zuen Pintto pintto abestia. Zaldibian ikasi zuen, hain zuzen Saturdi auzoko festa batean. «1972 edo 1973 izango zen. Beasainen nenbilen lanean orduan, eta soldadu-lagun batekin joan nintzen Saturdiko erromeriara. Hantxe entzun nuen nik lehendabiziko aldiz Pintto pintto kantua», azaldu du Txurrukak.
Gogoan du emakume batzuk zirela kantatzen ari zirenak; «andereñoak zirela pentsatzen dut, umeekin zebiltzalako; Zaldibian bertakoak ziren agian». Buruan hartu zituen doinua eta letra –bi estrofa– Txurrukak.
Erreportaje osoa GoiBerri.eus webgunean.
